Suðurlandsvegur

Ég fór austur í bústaðinn í gær eins og svo oft áður og lá leiðin yfir Hellisheiðina og ég er alltaf að sjá hvað nýi stubburinn frá Littlu Kaffistofunni er mikil mistök.  Það er nú búið að ræða slatta um þessi blessuðu vegrið en það er annað sem ég tók eftir núna.  Þegar ég var að nálgast virkjunina þá langaði mig til að taka myndir af henni þar sem gufan stóð beint upp í loft í logninu, þannig að ég fór útaf veginum og niður á Þorlákshafnarveg og tók myndir þaðan.  En þegar ég ættlaði aftur uppá Suðurlandsveginn þá tók ég eftir því að það er ekkert hringtorg þarna niðurfrá og ekki gert ráð fyrir því að maður vilji fara frá Þorlákshafnarveginum og þangað nema maður komi frá Þorlákshöfn, þannig að maður þarf að taka U-begju á veginum til að koast aftur uppá Suðulandsvegin.  Er þetta ekki soldið að bjóða hættunni heim..... ég bara spyr...??

 

En talandi um Suðurlandsveginn, nú eru uppi háværar raddir um tvöföldun á þessum vegi, gott og vel, en það er nú samt sem áður annað sem þarf að laga þarna fyrst og það er aksturlag ökumanna þarna.

Ég bjó í Keflavík og stundaði nám í bænum, þ.a.l. keyrði Reyjanesbrautina á hverjum degi í nokkur ár.  Ég á enn fjölskyldu og vini fyrir sunnan þannig að ferðir mínar um Brautina er enn þó nokkuð margar og heyrir það til undantekkninga að ég verði var við ofsaakstur þarna, bæði fyrir og eftir tvöföldun, þetta er eiginlega liðin tíð, og varð það fyrir mörgum árum.

En aftur að Suðurlandsvegi

Þann veg keyri ég talsvert líka, og þar heyrir það til undantekninga ef þetta gerist ekki, þ.e. að það koma bílar á ofsahrað og taka framúr, skiptir þá engu hvort bílar eru að koma á moti eða óbrotin lína á veginum.  Þetta gerist yfirleitt nokkrum sinnum í hvert skipti.

Þannig að ég held að við Íslendingar verðum að fara að bæta umferðarmenningun, bætum hana áður en vegirnir eru bættir, því það kostar mun minna og er mun auðveldara.  Umferðarmenninguna er hægt að bæta á einni nóttu ef fólk færi nú að hugsa pínu og taka tillit til annara, því maður finnur fyrir því í umferðinni að fók er ekkert að spá í náunganum og hugsar yfirleitt ekki lengra en nefið nær, þ.e. ef hugsunin nær það lángt.....

 

kv