Flugvöllurinn

Jæja, þá er einhver nefnd búin að ákveða að Hólmsheiði skuli vera skásti kosturinn fyrir innanlandsflugið.  Ég verð nú að vera ósammála þessu.

Í 1. lagi þá er Hólmsheiði í 300ft hæð sem er ekki gott, Keflvavíkurflugvöllur er talinn standa hátt og hann er í 60ft

Í 2. lagi þá rekur Reykjavíkurflugvöllur sig ekki, 1 miljarður í halla á ári.  Er þá skynsamlegt að byggja nýjann fyrir 15 miljarða sem á svo eftir að kosta skattgreiðendur 1 miljarð á ari, eða á kannski að hækka lendingargjöldin sem svo skilar sér beint í miðaverði, það er ekki eins og það hafi verið fullkominn sátt um verðið hingað til.  Keflavíkurflugvöllur er sá eini sem sleppur á núlli, er allavega næst því

Í 3. lagi þá væri þessu flugvöllur lengst útúr borginni og stefna stjórnvalda er að hafa aðeins eitt almennilegt sjúkrahús á landinu sem á að vera í miðbænum ("gáfulegt"), sjáið þið fyrir ykkur sjúkrabíl komast þangað frá Hólmsheiði kl 8:30 á virkum morgni með sjúkling úr sjúkraflugi.  Teppan er það mikil að það myndi engu skipta þó bíllinn væri á bláu með sýrenur, þetta gengi aldrei vel

Ég segi að það eigi að flytja flugið til Keflavíkur, það er lang hagkvæmasti kosturinn, eftir að Reykjanesbrautin verður tvöfölduð og búið að tengja hana við tvöfaldaðar umferðaræðar borgarinnar þá er maður í enga stund að brenna á milli.  Herinn skildi eftir sig fína flugstöð sem hægt væri að taka í gagnið á morgun og sjúkrahús sem hægt væri að breyta í bráðasjúkrahús til að taka á móti alvarlega veiku eða slösuðu fólki utan af landi og koma því í stöðugt ástand og flytja það síðan í bæinn

Annars á landsbyggðin ekki að sætta sig við 3. flokks heilbrigðisþjónustu og þurfa að sækja nánast alla þjónustu í bæinn, en það er efni annan pistil.

kv