Sönnunarbyrgði

Hvernig stendur á því að í umferðarlagabrotum þar sem mynd næst af umferðarlagabroti þá er fær umráðamaður ökutækisins sekt, sama hvort hann sjálfur þekkist á myndinni eða ekki.

En í þessu máli er það ekki hægt, það er sannað að ákveðnum bíl var ekið á drenginn,  það er vitað hver er umráðamaður bílsins og hann getur hvorki gert grein fyrir ferðum sínum þetta kvöld né hver var á bílnum, því hann þrætir fyrir að hafa verið á honum sjálfur.

Þannig að ef þú vogar þér að aka yfir 90kmh á Reykjanesbrautinni og það telst sannað að bílinn þinn var notaður við verknaðinn þá eru lagaheimildir til að sekta þig.

En ef það er sannað að bíllinn þinn var notaður til að aka á manneskju þá er bara nóg að segjast ekki hafa verið á bílnum, þá ertu hólpinn.

kv.

Farinn úr landi

Athugasemdir

[Helgi Jónsson, 17.2.2008 kl. 17:20]

Já það er undarlegt. Ef maðurinn er skráður eigandi bílsins eða umráðamaður ætti hann að vera skyldugur til að upplýsa hver ók bílnum í umrætt skipti eða bera sjálfur ábyrgðina hvort sem hann ók bílnum eða ekki. En er ekki vandamálið að  það eru ekki komnar niðurstöður úr DNA rannsókn á sýnum af bílnum til að sanna óyggjandi að þetta sé rétti bíllinn?

[Ágúst (IP-tala skráð) 17.2.2008 kl. 17:44]

Merkilegt helvíti að þurfa að bíða marga mánuði eftir niðustöðum úr DNA rannsóknum, sem mér skilst að Kári og co hafi sagst geta gert á mikið skemmri tíma hér heima heldur en þeir sem gera þetta erlendis, og á meðan geta svona menn komið sér undan refsingu með því að fara úr landi og þurfa sennilega aldrei að svara til saka þó fullvíst sé að þeir séu sekir

[Hreiðar (IP-tala skráð) 17.2.2008 kl. 17:51]

Jú, rétt er það.  Íslendingar sögðust geta framkvæmt þessar DNA rannsóknir og gerðu það um tíma.  Svo kom upp mál þar sem maður, sem dæmdur hafi verið í hérðaði, á grundvelli íslenskrar rannsóknar, fór fram á samanburðarrannsóknir erlendis.  Þá kom í ljós að íslensku rannsóknirnar voru fúsk sem sýndi rangar niðurstöður. 

[Finnur Ólafsson Thorlacius, 17.2.2008 kl. 18:01]

Það þarf ekki DNA til að sanna hvaða bíll átti í hlut, það er búið að bera sama trefjar sem fundust í brotnu framljósi bílsins við trefjar úr fatnaði drengsins, 100% sama efnið.........!!!

Það kom allavega fram í fréttum

kv

[Gísli Friðrik Ágústsson (IP-tala skráð) 17.2.2008 kl. 19:28]

Senda einhvern á eftir manninum og spæja um hann þar til sekt á hann sannast. Ræna honum þá að hætti Mossad og flytja til Íslands.

[Finnur Ólafsson Thorlacius, 17.2.2008 kl. 23:24]

Guðmundur, þú segir:

"Ef þú hefur ekki verið undir stýri og lætur uppi hver ökumaðurinn er, þá fær hann sektina og tækifæri til þess að neita sök. Ef hann neitar, þá fer þetta fyrir dóm."

Þetta er það sem ég er að meina, ég er ekki að segja að það eigi bara að hengja manninn úti á torgi án dóms og laga, mér finnst bara svo skítið að ekki séu komin næg gögn í málinu til að gefa út ákæru 

kv