Hærri skattar og tannheilsa

Eignarskattur

Hærri fjármagnstekjuskattur

Hærri tekjuskattur

Hærri neysluskattar m.a. á:gosdrykki, áfengi, tóbak, eldsneyti og örugglega eitthvað mera sem ég man ekki

þetta hækkar allt neysluvísitöluna og verðbólgu.....

Hvar endar þetta, þessi menn eru ekki að átta sig á því að laun fólks eru að lækka og þar af leiðandi lækkar skattstofn ríkisins. Og þeir eru ekki heldur að átta sig á því að þeir ná þessum pening ekki aftur með skattlagningu, það þarf að koma atvinnulífinu í gang til að fólk geti aflað frekari tekna og þannig borgað meiri skatt.

Svo eru það ekki börnin sem kaupa gosið, það eru foreldarnir.

Þessi umræða um tannheilsu er svo vitlaus, það er ekki háum tannlæknakostnaði um að kenna hve tannheilsa barna er slæm, tannlæknirinn sér ekki um tannheilsu barna, það eru foreldrarnir sem eiga að sjá til þess að tennurnar í börnum þerra verði burstaðar kvölds og morgna. Tannlæknirinn sér um að gera við ef tennur skemmast.

Eða finnst fólki kannski það vera góð tannheilsa ef að tennur barnanna séu vel viðgerðar, ég hefði haldið að góð tannheilsa væri óskemmdar og óviðverðar tennur, og það hefur ekkert með tannlækna að gera.

Ef að foreldrar sjá til þess að börnin borði hollan og góðan mat og að tennur þeirra séu vel hirtar þá ætti tannlæknakostnaður ekki að vera hár, c.a. eins skoðun einu sinni á ári og það kostar nú ekki mikið fyrir börn.

kv